Die Suid-Afrikaanse Akademie vir Wetenskap en Kuns
Nuusflits
Die 2007-Simposium van die SA Akademie, in samewerking met die Stigting vir die bemagtiging deur Afrikaans vind plaas op 21 en 22 Junie in Pretoria. Die hooftema is Kriminaliteit: Oorsake, gevolge en oplossings. Lees meer onder Simposium 2007.
Die publikasie (Akademiepryse 1909-2006) is beskikbaar by die Akademiekantoor teen R35 per eksemplaar. Dit sluit BTW en posgeld in.
Kontak Linda Brink by tel. 012-328-5082 of e-pos
vir meer besonderhede.
Voorwoord
Meer as ooit tevore is dit vandag nodig dat die Suid-Afrikaanse Akademie vir Wetenskap en Kuns sy oogmerke, naamlik die bevordering van die wetenskap en die kunste asook die bevordering van die gebruik en die gehalte van Afrikaans, nastreef. Hierdie publikasie is die trotse rekord van die SA Akademie se bekronings oor byna 100 jaar. Die publikasie verleen hiermee erkenning aan so baie eminente persone wat dekade na dekade die vaandel van die wetenskap en die vaandel van Afrikaans hoog gehou het en daarmee die ideale van die SA Akademie verwesenlik het.
Dit gaan egter nie net om vervulde ideale van die Akademie nie. Die Akademie het oor die jare deur sy bekronings meegehelp aan die bevordering van 'n akademiese klimaat, die skepping van 'n wetenskapskultuur in diens van Suid-Afrika - en wil dit steeds bly doen.
Hierdie brosjure, wat 'n vervolg is van die publikasie wat in 1981 verskyn het, word aangebied aan lede van die Akademie en ook aan die talle persone en instansies wat belangstel in die Akademie en wat van tyd tot tyd navraag doen oor dié of daardie Akademieprys, oor wie in watter jaar 'n bepaalde toekenning ontvang het.
'n Besondere vorm van bekroning, wat nie 'n prys of medalje behels nie, is erelidmaatskap van die Akademie. 'n Lys van erelede word derhalwe ingesluit onder afdeling 41. Die laaste afdeling bevat 'n alfabetiese lys van pryse en bekroondes.
Hierdie publikasie is moontlik gemaak deur 'n ruim subsidie van die L.W. Hiemstra Trust.
Lys van Akademiebekronings sedert 1909:
Hertzogprys
Nedbank-Akademieprys vir Vertaalde Werk
Eugène Maraisprys
Scheepersprys vir Jeugliteratuur
Alba Bouwerprys vir Kinderliteratuur
Tienie Hollowaymedalje vir Kleuterliteratuur
C.J. Langenhovenprys vir Taalwetenskap
Gustav Prellerprys vir Literatuurwetenskap en Letterkundige Kritiek
Markus Viljoenmedalje vir Joernalistieke Prestasie
Toon van den Heeverprys vir Regswetenskap
D.F. Malanmedalje
Ds. Pieter van Drimmelenmedalje
D.F. du Toit Malherbeprys vir Genealogiese Navorsing
Stalspryse
Totiusprys vir Teologie en die studie van die grondtale van die Bybel
N.P. van Wyk Louwmedalje
Erepenning vir Afrikaanse Radiohoorspele en Erepenning vir Afrikaanse Radiohoorbeelde
Erepenning vir Afrikaanse Televisiedramas en Erepenning vir Afrikaanse Dokumentêre Televisieprogramme
Erepenning van die Akademie
Elizabeth C. Steijnmedalje
Samuel Edward Mqhayiprys
Olive Schreinerprys vir Engelse Letterkunde
Poortkompetisie (PUK-Kanselierstrustprys)
Elisabeth Eybersbeurs
Erepenning vir Wetenskaplike Vakbevordering
Frans du Toitmedalje vir Bedryfsleiding
Havengapryse
Transnetmedalje
Goue Akademiemedalje vir Natuurwetenskaplike en Tegniese Prestasie
M.T. Steynmedalje vir Natuurwetenskaplike en Tegniese Prestasie
Erepenning van die Fakulteit Natuurwetenskap en Tegniek
Senior Kaptein Scottgedenkmedalje
Junior Kaptein Scottgedenkmedalje
Albert Stratingprys vir Voorkomende Geneeskunde
FARMOVS-prys vir Farmakologie en Geneesmiddelontwikkeling
Douw Greeffprys
Prysvrae
Christo Wiesemedalje vir 'n Opkomende Entrepreneur
Akademiepryse 
