Sammendrag:
Kong Haakon Magnussön skjænker, paa Grund af Halsteins troe Tjeneste,
den Del af Gaarden Gyltan, som Halstein Baardssön havde eiet, til Thu-
rid Halsteinsdatters Börn; dog skulde Jon Stagge först deraf tage sig be-
talt for Halsteins Gjæld til ham.
Kilde:
Efter en Vidisse af 23 Oktbr. 1382 i norske Rigsarkiv.
Nummer: 436. Dato: 3 Juni 1376. Sted: Bergen. Brevtekst (fra den trykte utgaven):
Hakon meder gudes nadh Noreghr ok Swyiarikis konongr søn-
der ollum monnum þæim sem þetta bref sia ædha h/oe/yra quedo gudes
ok sina, wer wiliom at þer wittir, at wer saam ok inwyrdeligha ifwir
laasom opit bref Halsteins Bardassonar, j hwerio ær han kændizt sik
skyldughan wæra, Jone stagga swa margha pæningha sem næfnazt j þi
sammo Halsteins brefwe. Ok saker þes at wer hafwm firir gudes skuld
ok Halsteins Bardar ssonar tru þiænisto skuld. gefwit bornum Þuridhar
Halsteins dottor swa mykin part j Gyltunne sem Halstein Bardhar sson
atte þo meder þi skilorde at Jon [stagg]e skal alla sina fyr saghda pæ-
ningha fyrst vpbæra meder fulnadhe af þi folke sem þan luta Gyltunnar
leigha ok j sitia, sem Halsten atte ok fylghde. ok þæghar Jon hefwir
sina pæningha meder fulnadhe vpborit, þa skal fyrnænfd Þurid Halsteins
dotter j sætiazst opt nefndan luta Gyltunnar ok honom radha ok han
byggia a wæghna barna sinna ok læigho af honom vpbæra ok at ollo
meder fara sem eigho madher. frialsligha firir hweriom manne. Þetta
bref war giort j Berghwin a tysdaghen j hwita sunno wiko. a eino are
ok xx rikis wars Noreghs ok jnsighlat os sialfwm hiawerandom.
| 